جدول التطعيمات الخاص بالقطط بيكون كالتالي :
أولا التطعيمات بتتاخد تحت الجلد وبتتقسم لتطعيم رباعي وتطعيم ضد مرض السعار * ودا مهم جدا لانه بيتنقل عن طريق لعاب
الحيوان المريض او عن طريق العض للبشر وبيكون مميت وملهوش علاج سواء في
الحيوان او البني أدم *هنزل موضوع كامل عن مرض السعار والوقايه منه
التطعيم الرباعي
في بعض العيادات اللي بتبتدي تديه بدري عند عمر 45 يوم أو شهرين وتكرره بعدها ب 3 أسابيع وترجع تكرره للمره التالته بعدها ب 3 أسابيع ولو القط او القطه عدا عمره الاربع شهور بيدوه جرعتين فقط من الرباعي بيفصل بينهم 3 أسابيع
في كل الحالات سواء التحصين هيتاخد قبل او بعد الاربع شهور لازم هيتكرر بعدها بسنه من ميعاد اخر جرعه
وضروري نفهم ليه التحصين في اول سنه من العمر بيتاخد ويتكرر بعدها مره او مرتين كمان : ببساطه التحصين عباره عن مجموعه فيروسات يعني أنا بحقن الحيوان بمرض بس الفيروسات اما بتكون متوقفه عن عملها او ميته
Killed or live attenuated vaccine
وفي كل الحالات وجود الفيروس بيثير مناعه الحيوان ويسبب تكوين اجسام مضاده فلو الحيوان اتصاب بالمرض اللي انا حقنته ضده بالتحصين هيكون عنده اجسام مضاده تحميه من العدوي بس جرعه واحده من التحصين مش هتبقي مفيده لازم ادي جرعه منشطه وجرعه تأكيديه عشان المناعه تكون أجسام كفايه لحمايه الحيوان
Killed or live attenuated vaccine
وفي كل الحالات وجود الفيروس بيثير مناعه الحيوان ويسبب تكوين اجسام مضاده فلو الحيوان اتصاب بالمرض اللي انا حقنته ضده بالتحصين هيكون عنده اجسام مضاده تحميه من العدوي بس جرعه واحده من التحصين مش هتبقي مفيده لازم ادي جرعه منشطه وجرعه تأكيديه عشان المناعه تكون أجسام كفايه لحمايه الحيوان
كمان في نقطه مهمه جدا : لازم وقت تطعيم القطه تكون سليمه ودرجه حرارتها طبيعيه ولازم انتبه ان الدكتور عمل فحص ليها قبل ما يدي التحصين لان التحصين بيوقع المناعه في الاول فمينفعش تكون القطه مريضه وكمان انزلها مناعتها
تطعيم السعار
يختلف من بلد لبلد : في ناس بتديه عند عمر ال 3 شهور أو الاربعه المهم قبل ما يتم القط
ال 6 شهور يكون أخد السعار * جرعه واحده فقط ولا تكرر الا بعدها بسنه * في بلاد بتكرر السعار سنويا وفي بلاد بتكرره كل 3 سنين كل دا بيختلف حسب قانون الدوله نفسها
فشل التحصين
كتير ناس بتدي التطعيمات في ميعادها ويحصل أنه الحيوان بيتصاب بنفس المرض اللي طعمته ضده طيب دا بيحصل ليه وأزاي
أولا التطعيمات لازم تتحفظ في التلاجه ولو فضلت في درجه الحراره العاديه هتبقي مش صالحه بس دا مش معناه ان لو التحصين اتساب بره التلاجه انه لما الدكتور يديه للقط انه هيمرض لا مش هتحدث عدوي بس كده انا اديت تحصين ملهوش اي قيمه وبالتالي الجسم مناعته مش هتثار وتكون أجسام مناعيه ضد المرض
الحاله التانيه اللي بيفشل فيها التحصين هو لما الحيوان مناعته بتضعف جدا بسبب وجود أمراض زي الاورام والسرطانات وأمراض الكبد المزمنه بيكون دخول التطعيم لجسمه مش مثير للمناعه كمان لانه ببساطه اصلا المناعه ضعيفه جدا وغير قادره ع تكوين أجسام مناعيه * يعني ببساطه التطعيم بيكون سليم بس مناعه الحيوان الضعيفه هي بتكون سبب عدم استفادته من التحصين *
أسعار التحصينات
السعار بيكون من 50 ل 70 جنيه في معظم العيادات يمكن في مديريات الطب البيطري والجهات الحكوميه بيكون أقل
أما الرباعي فمن 80 ل 120 حسب العياده ومكانها
كتير ناس بتدي التطعيمات في ميعادها ويحصل أنه الحيوان بيتصاب بنفس المرض اللي طعمته ضده طيب دا بيحصل ليه وأزاي
أولا التطعيمات لازم تتحفظ في التلاجه ولو فضلت في درجه الحراره العاديه هتبقي مش صالحه بس دا مش معناه ان لو التحصين اتساب بره التلاجه انه لما الدكتور يديه للقط انه هيمرض لا مش هتحدث عدوي بس كده انا اديت تحصين ملهوش اي قيمه وبالتالي الجسم مناعته مش هتثار وتكون أجسام مناعيه ضد المرض
الحاله التانيه اللي بيفشل فيها التحصين هو لما الحيوان مناعته بتضعف جدا بسبب وجود أمراض زي الاورام والسرطانات وأمراض الكبد المزمنه بيكون دخول التطعيم لجسمه مش مثير للمناعه كمان لانه ببساطه اصلا المناعه ضعيفه جدا وغير قادره ع تكوين أجسام مناعيه * يعني ببساطه التطعيم بيكون سليم بس مناعه الحيوان الضعيفه هي بتكون سبب عدم استفادته من التحصين *
أسعار التحصينات
السعار بيكون من 50 ل 70 جنيه في معظم العيادات يمكن في مديريات الطب البيطري والجهات الحكوميه بيكون أقل
أما الرباعي فمن 80 ل 120 حسب العياده ومكانها
No comments:
Post a Comment