كل ما بنحب حيوان ويبقي قريب أوي من قلبنا بنحب ندلعه ونديله حلويات ويمكن بعضنا بيشتري لكلبه او قطته مخصوص حلويات يديها له لما الحيوان يكون بيسمع الكلام كنوع من تعليمه سماع الأوامر بس اللي منعرفوش ان الحلويات خاصه اللي بتحتوي علي
شيكولاته ممكن تكون سامه لكلبك او قطتك .
الشيكولاته بتحتوي علي مادتين بيسببوا مشاكل كتيره للكلاب والقطط ماده الثيوبرومين وماده الكافين بنسبه تختلف من حيوان للتاني حسب وزنه وحسب كميه ونوع الشيكولاته اللي أكلها ممكن تؤدي الشيكولاتات والحلويات اللي بتحتوي عليها لوفاه الحيوان .
أعراض التسمم بتتمثل في :
أسهال وترجيع
أرتفاع درجه الحراره
زياده ضربات القلب ومعدل التنفس
الشتنجات وفي الحالات المتقدمه يحدث في فشل في وظيفه القلب ويتبعه غيبوبه ووفاه للحيوان
يعني ببساطه أحنا مش بندي حاجه حلوه لحيواناتنا احنا بنديهم سموم .. لو حصل وشكيت ان كلبك او قطتك أكل كميه شيكولاته كبيره أفضل شئ أنك تاخده للدكتور البيطري يعمله غسيل للمعده ويركبله محاليل عشان يسهل خروج المواد دي من جسمه
وطبعا الوقايه أفضل شئ ديما : يعني نمنع اي شئ بيحتوي علي شيكولاته عن الحيوان الأليف بتاعنا ونحطها في مكان صعب أنه يوصله :)
أعراض التسمم بتتمثل في :
أسهال وترجيع
أرتفاع درجه الحراره
زياده ضربات القلب ومعدل التنفس
الشتنجات وفي الحالات المتقدمه يحدث في فشل في وظيفه القلب ويتبعه غيبوبه ووفاه للحيوان
يعني ببساطه أحنا مش بندي حاجه حلوه لحيواناتنا احنا بنديهم سموم .. لو حصل وشكيت ان كلبك او قطتك أكل كميه شيكولاته كبيره أفضل شئ أنك تاخده للدكتور البيطري يعمله غسيل للمعده ويركبله محاليل عشان يسهل خروج المواد دي من جسمه
وطبعا الوقايه أفضل شئ ديما : يعني نمنع اي شئ بيحتوي علي شيكولاته عن الحيوان الأليف بتاعنا ونحطها في مكان صعب أنه يوصله :)
No comments:
Post a Comment